SOBRE NÓS

HO’UNÉVOTI, USOKEYEATI, IKANÁUXEATI, ITIXÓVOTI, KOSEANAYEÂTI, TEYEÂTI YOKO HUVO’OXEATI, UKEÂTI XOKO KÍXOKU NÓXEA YOKO XOKO KÍXOKU KOÍSONEYEA NE KOPÉNOTIHIKO:

➢  AKO IHÁXAKEA POKE’E NE EMO’U KOPÉNOTI, KÍXOKU KUTÍPEA, UNÁTIYEA ÓVEAHIKO KOYUHOÂTIHIKO;

➢  OKOVO VIYÉNOXAPA NE EMO’U HIRIKO’OVITI ENEKO’OVITI UKEÂTI XOKO VOXÚNOEHIKO;

➢  ITÚKEOVO XÂNE NE EMO’U;

➢  UNÁKOUKU ISÓNEU XÂNE MÊKU NE EMO’UTI, KIXO’IKOTI UKÓPONEA, ÉXETINAHIKO YOKI KÍXOKU ITÚKEOVO VIYÉNOXAPA MÊKU;

➢  KONÓKOTI TÉYEOKONO NE EMO’UHIKO KOPÉNOTIHIKO, EPO’OXO NE PORTUGUES-INDÍGENA, KALÍSOTI XOKÓYOKEHIKO;

KONÓKOTI IVÁVAKEOKONO ÁPEYEA UHÁ KOETI NE KOPÉNOTI KUVEU MEUM, KALÍSOTIMAKA YA UHÁ KOETI ÍPUXOVOKU KOPÉNOTI CONSTITUCIONAL NE’E.

• KONÓKOTI ITÚKEOVO YOKO TURÍXEOKONO NE ITUKÉTI YOKO XOKO KOÊKUTI ITUKOÂTI TÉYEOKONO YOKO ITÚKEA IVÁVAKEOKONOHIKO NE EMO’U KOPÉNOTIHIKO UHÁ KOETIKE KÍXOKU ITÚKEOVO, EDUCAÇÃOKE, CIENCIAKE, TECNOLOGIAKE YOKO SOCIO-POLÍTIKUKE, KOEKUTI ITÓVOKU ITÓPONOKU, ÁKOTIKE AHIKÁPU YOKO ÁKOTIKE MALÎKA ITÓPONOKU.

• KONÓKOTI ITÚKEOKONO, YUTÓXEOKONO YOKO ÓMEOKONO KOÊKUTI ÍTUITI POREXOÂTI KÁXUNAKEA YOKO KOYÚHOTI ÉMOU KOPÉNOTI PIHÍNOTINE KURÍKEA KOYÚHOYEA.

• IVÁVAKEOKONO YOKO KÓIXEPUKEOKONO YUIXÓVATI NE EMO’UHIKO KOPÉNOTI.

• KONÓKOTI ITÚKEOKONO KOYUHÓPETI KOYUHOÂTI, KOUTI’IKOÂTI YOKO KOIXÉPUKOÂTI NE YUIXÓVATI NE EMO’UHIKO KOPÉNOTI.

• KONÓKOTI ITÚKEOVO KOÊKUTI KAPAYÁSOKOÂTI NE OVOKÚTIHIKO YUIXÓVATI YOKO YOKO ÓVOKUHIKO IVAVÁKOATI NE EMO’UHIKO KOPÉNOTIHIKO, XANEÂTI KOÊKUTI IHÍKAXOÂTI KOYÚHOPINOA ÁKOTI OKOYÚHO YUHO PURÚTUYE EPO’OXO YUTOXÓPATI MOTOVÂTI KOTÍXEOKONO NE EMO’UHIKO UHA KOETI KOPÉNOTI.

• KONÓKOTI KÁXUNAKEOKONO HEU KOETI POREXÓPATI NE ITUKÉTI, YUTOEPOTI YOKO PUBLICA KIXOÂTI NE IHÍKAXOPETI, KOXE’UKE, VÉKOKUKE EMO’UTIHIKO, ITÚKAPU ÉPEMONE KOPÉNOTIHIKO.

• YÚMOIXEOVOKONO XOKO KOÊKUTI KO’IYEOVOKU PAHÚKOTI XOKO ESTADO BRASILEIRO YOKO ÉPEMEA POREXÓPATI MOTOVÂTI KÓIXEPUKEA KOÊKUTI ITUKÉTI KÍXONE NE DÉCADA NA EMO’UHIKO KOPÉNOTIHIKO, XOKI UNIÃO, ESTADUHIKO YOKO MINÍCIPIUHIKO;

• KONÓKOTI KOIXEPUKEOKONOHIKO NE ÍPUXOVOKUHIKO KOPÉNOTI MOTOVÂTI KO’ITUKEYEA YOKO ITÚKEA KOÊKUTI KIXOVÓKUTI XOKO DÉCADA NA EMO’UHIKO KOPÉNOTIHIKO, XAPAKE KOYUHÓPETI EYÉKOXOTI, PAGINANA WEB, ITÚKEOKONO VÎDIUHIKO EYÉKOXOTI, PODCASTS, WEBNÁRIUHIKO, RÂDIUNAKOPÉNOTIHIKO (KUTEÂT, RÁDIO YANDÊ, RÂDIUNA XANÉHIKO) MÎDIA ÁKOTI MALÎKA ITÓPONOKU, HO’UNÉVOTI APLICATIVUKEHIKO ÍTUKE VÉKOKU YUHÔTI;

• ITÚKEOKONO IVÁVAKEA ÁKOTI ITUKAPU KOPÉNOTI MOTOVÂTI OPO’OKEA NE ÊNO ÁKOTI TÔPI KIXÓVOKU ITÚKEOVO EMO’UHIKO KOPÉNOTI, XOKÓYOKE KÁLIHUNOE VÉKOKU EMO’UTI, MIDIA NACIONAL ÁKOTI MALÎKA ITÓPONOKU, PODCASTHIKO, VIDEOHIKOEYÉKOXOTI, EXÓKOTI, IHÍKAXOTIHIKO YOKO KÁLIHUNOE CURSU INSTITUIÇÃOKE, YOKO XOKO IHÍKAXOVOKUTIKEHIKO (EFETIVAÇÃO NA LEI 11.645/2008), PALESTRAHIKO IHÍKAXOVOKUTIKEHIKO;

• KONÓKOTI KÁXUNAKEOKONO YOKO KÓIXEPUKEOKONO HOINAXEOKONO KÁXE HOEITIMO HO’UNEVOKE ÓVOKUHIKO YUIXÓVATI GOVERNAMENTAIS YOKO XOKO ÁKOTI ITUKAPU GOVERNAMENTAIS(NACIONAIS/INTERNACIONAIS) EPO’OXOHIKO NE KOPÉNOTIHIKO, MOTOVÂTI KOUTI’IKEA NE KOIXEPUITI YOKO ITUITI XOKOYOKE RA NOKONETI ITÚKEOKONO YA GT;

• KONÓKOTI ITÚKEOKONO INSTITUTONA KOPÉNOTI YUIXÓVOTI EMO’UTI, XOKO ÓVOKUHIKO GOVERNAMENTAL (MUNICIPAL, ESTADUAL YOKO FEDERAL) OPÉKUKE ÚKE KOPÉNOTIHIKO, XOKOYOKEO OPOSÍKOTI ITÓPONEA, YOKO IHIKAXEOVOKONO YOKO ITÚKEOKONO NE POLÍTIKANA EMO’UTIHIKO ÍTUKE EMO’U KOPÉNOTIHIKO;

• KONÓKOTI KOUTI’IKEOKONO ITUKEO OPÉKUKE ÚKE KOPÉNOTI NE INSTITUTONA KOPENOTI VEKO ITÚKEOKONO SÓIU GT, SOIU REDE NA PESQUISADORES KOPÉNOTIHIKO NA EMÓUHIKO VOXÚNOEHIKO YOKO ORGANIZAÇÃONAHIKO KOPÉNOTI TEYONETI INTERNACIONALMENTEKE;

• KONÓKOTI ITÚKEOVO IHÍKAXOVOKUTI MOTOVÂTI ÍHIKAXEAHIKONE KOYUHÓPINOÂTIHIKO NE KOPÉNOTI HIRÍ KIXOTI INSTITUIÇÃO GOVERNAMENTALHIKO YOKO ÁKOTI ÍTUKAPU GOVERNAMENTAL;

• KONÓKOTI ÍHIKAXEOKONO, KAHAINE KIXOTÍHIKO INSTITUIÇÕES GOVERNAMENTAIS YOKO ÁKOTI ITUKAPU GOVERNAMENTAIS, NE KOUTI’IKEA YÛHO HUVO’OXEA TECNIKUKE ÉSAIKE KOÊKUTI ITUKÉTI MATERIAS YUSÍKOTI KUTEATI ÍKAXOKENOTI, HIRIKOÂTI NE PARADIDÁTICO YOKO ARTISTICA, XO ÁKOTI TÔPI KIXÓVOKU (IMPRESSO, DIGITAL YOKO POÍNUHIKO) MOTOVÂTI ITÚKINOKONOAHIKO ÉPEMONEHIKO KOPÉNOTIHIKO VO’OKUKE EMO’UHIKO, XOKO KUTEÂTI ITÓPONEAHIKO NE ÂHA XOKO LEI 11.645/2008, NACIONALKE, ESTADUAL YOKO MUNICIPAL;

• KONÓKOTI KOIXEPUKEOKONO SEMINARIU NACIONAL MOTOVÂTI ÍHIKAXEOVOKONO NE PULÍTIKANAHIKO EMO’U KOPÉNOTIHIKO;

• KONÓKOTI OPÓSIOKEOKONO, MAPEA KÍXEOKONO YOKO SOÍXEOKONO ÁKOTI TÔPI KO’IYEOVOKU XAPÁKUKE NE KOÂTI KIYOTÍNE XOKO ÁKOTI TÔPI KO’IYEOVOKU IPUXÓVOKUTI, MOTOVÂTI KOUKOPONEOVO NE ITUKÉVOKETI YOKO ÁKOTI TÔPI YUIXOVATI PIHÍNOTI ISONEU KÁXUNAKEA, XOKO KOYUHÓPETI, XOKO KAHA’ATI KAUNAKEAHIKO NE EMO’UTIHIKO;

• KONÓKOTI KÁXUNAKEOKONOHIKO NE SENÓHIKO KOPÉNOTI MOTOVÂTI ÁNAHIXEOVA YOKO MOTOVÂTI KURÍKEA NE ISÓNEUHIKO XAPÁKUKE KOÊKUTI HÁNAITI ÍPUXOVOKU IHÍKAXOVOTI YOKO ITUKÉVOKETI;

• KONÓKOTI KÁXUNAKEOKONO MOTOVÂTI HIRÍ KÍXEOKONOHIKO NE INSTITUIÇÕES GOVERNAMENTAIS MOTOVÂTI KÁSAHIKEOKONO KOÍTUKEYEOKONO NE EMO’UHIKO KOPÉNOTI XAPÁKUKE VÉKOKUHIKO EMO’UTI;

• KONÓKOTI ÍHIKAXEOVOKONO KIXÓKONOKU MOTOVÂTI KURÍ’UXEOKONO IKOITUKEXEOKONOKU YOKO IVÁVAKEOKONO NE EMO’UTIHIKO KOÊKUTIKE ÓVOKU YOKO OVOKÚTIHIKO, PIHÍNOTI ISÓNEU HUVO’OXEA KALIVÓNOHIKO YOKO INÁMATIHIKO.